bmw-128-ti-main

BMW 128ti жарық көрді

Гольф-класстағы көлікке қуатты мотор орнатылды.

Капот астындағы 265 ат күші мен 400 Нм момент беретін 2 литрлік турботөрттіктің қарқыны жүргізушіге артығымен жетеді.

Көліктің күші 8 сатылы Steptronic автоматы арқылы алдыңғы дөңгелектерге беріледі. Ең жоғары жылдамдығы — сағатына 250 шақырым. Алғашқы жүздікті 6.1 секундта еңсереді. Жолда мықты болу үшін машинаның спорттық аспасы 10 мм-ге төмендетіліп, дөңгелектері мықты тежеуішпен жабдықталған.

Аэродинамикалық М-пакеттен бөлек, темір тұлпардың салоны қызыл жолақты матамен қапталды. Ортаңғы шынтақ тірегіште Touring Internationale деген жазу бар.

BMW 128ti Германияда 41 574 еуроға сатылады. Қазақстанда 1-сериялы қарапайым BMW салонда 12.6 млн теңге, ал одан күшті 120d 1-2 млн-ға қымбат тұрады.

Комментариев: 0

Чтобы оставить комментарий, вам необходимо зарегистрироваться или авторизоваться.