АВТОВАЗ 16 клапанды мотор өндіреді

АВТОВАЗ 16 клапанды мотор өндіреді

Қазақстанға Lada 2023 жылы оралады.

Тольяттидегі зауыт 16 клапанды қозғалтқыш өндірісін қайта бастау бағдарламасын іске қосты. «Нетипичный АвтоВАЗ» инсайдері зауыт наурызда қозғалтқыш құрастыра бастайтынын айтыпты. Зауыт экспортқа қатысты жоспарын да жария етті, ал Сауда және өнеркәсіп министрлігі отандық ABS жасалатынын хабарлады.

Былтыр АВТОВАЗ санкция салдарынан 106 ат күшіне ие 1.6 литрлік мотор шығарудан бас тартты. Көлемі дәл сондай 8 клапанды моторға қарағанда бұл агрегатта шетелдік бөлшек көп болған.

Мәлімет берген кісілер Тольятти сынақ түрінде мотордың бір партиясын шығарады, ал жазда тұрақты өндіріс процесі басталады. Зауыт жылына 20 мың қозғалтқыш өндіруді жоспарлап отыр. Бұрын шетелден тасыған бөлшектер елде жасала ма, әлде кәсіпорын жеткізуші ауыстырды ма, әзірше белгісіз.

Өндіріс көлемін арттырумен қатар зауыт басқа нарыққа шығуға ниетті. Волгадағы кәсіпорын басшысы Максим Соколов Lada Қазақстан мен Беларусьте сатылатынын, кейінірек оны Африка, Латын Америкасы мен Таяу Шығыста саудалау жоспарда барын айтты. Азияға Lada Niva моделін жеткізеді. Жалпы жылына 20 мың машина шетел асуы мүмкін.

АВТОВАЗ на пороге перезапуска производства 16-клапанных двигателей

Биыл Ресей өз ABS-ын шығаратын сияқты. Сауда және өнеркәсіп министрі Денис Мантуров компонент жасаушылар жыл аяғына дейін бағдарлама дайындауға уәде бергенін айтты. Жергілікті жүйе Bosch компаниясының орнын басады. Расталмаған дерек бойынша Тольятти қазір барлық көлікте бұғаттауға қарсы жүйе болуын талап ететін техникалық регламент әзірлеп жатыр екен.

Комментариев: 0

Чтобы оставить комментарий, вам необходимо зарегистрироваться или авторизоваться.