В Алматы приехал новый BMW X4

Алматыға жаңа BMW X4 келді

Алдыңғы купе іспетті кроссовер бар болғаны төрт жыл тұрақтады. Жаңа Х4 көп күттірген жоқ.

Алғашқы буындағы BMW X4 (F26) конвейерде ешбір рестайлингсіз небәрі төрт жыл тұрды. Әділдік үшін ғана BMW X4-тің өзі 2010 жылғы үлгідегі төбесі төмендетілген BMW X3 болып көрінетінін нақтылау қажет.

Алматыға жаңа BMW X4 келді

Сатылымы Қазақстанда басталған G02 индексіне ие жаңа автокөлік былтыр таныстырылған Х3-тің ізін ала жаһандық CLAR платформасына көшкен еді. Кроссовер алдыңғысымен салыстырғанда жеңілдеу әрі ірілеу бола түсті: ұзындығы 81 мм, ені 37 мм, ал дөңгелектік базасы 54 мм-ге артты. Бұл үстеме артқы жолаушылардың аяқ қоюына ыңғайлы 25 мм-ге жуық кеңістік қосуға мүмкіндік берді.

Қазақстанға BMW X4 төрт түрлі орындауда жеткізіледі. Бұл үш бензинді xDrive 20i, xDrive 30i, M40i және дизельді xDrive 20d. Кроссовер бағалары 16 770 000 теңгеден (қуаты 184 а.к болатын 4 цилиндрлі 2.0 Twin-Turbo орнатылған xDrive 20i үшін) 27 348 000 теңгеге (М40i үшін) дейінгі аралықты қамтиды. Таныстырылымда көпшілік назарына дәл осындай көлік ұсынылған болатын.

Алматыға жаңа BMW X4 келді

«Қызыл фламенко» деп аталатын айқын түсте жасалған темір тұлпар нәзік жандылардың ерекше ықыласына ие болды. «Эм-стайл» деп аталатын сыртқы жылтырдың астында 8 сатылы автоматпен түйіндес, 360 арғымаққа ие 3 литрлік V6 жасырынған. Мұндай селбесу кроссовердің 4.8 секундта 100-ге дейін екпін алуына мүмкіндік береді.

Жаңа купе мен купе іспетті кроссоверлердің басты айырмашылығы көліктің артқы жағының әрленуінде. Х4-тің артқы бөлігін енді соңғы буынның 8-сериялы купе стиліндегі оптика сәндейді. Десе де, BMW түсінбестік болмас үшін бұдан бейхабар көлікке құмар жандарға арнап, жаңа буындағы Х4 кроссоверлерінің айырмашылығын түсіндіретін арнайы оқу құралын да шығарыпты.

Мұндай құралдардың жасалуының өзі автомобильдік дизайн қарқынының бір орында тапжылмай тұрғанын көрсетеді. Егер бұрындары шартты түрде «ескісін» «судай жаңасынан» бір көргенде-ақ ажырату мүмкін болса, қазір енді бұл біраз күш жұмсауды керек етеді.

Комментариев: 0

Чтобы оставить комментарий, вам необходимо зарегистрироваться или авторизоваться.