Автомобилистер соңғы үш айда ақылы жолдармен 24 миллион рет жүрген. «Қазавтожол» ҰК дерегінше жазда ең танымал бағыттар мынадай болды:
- Алматы — Қонаев — Талдықорған трассасы (5.4 млн сапар). Жетісу облысындағы халық көп бетке алатын бағыт Әнші құмға, Алакөл жағалауына және өзге де қызық орындарға апарады.
- Шымкент — Тараз — Қайнар трассасы
(5.1 млн-нан астам сапар). Жібек жолы бойындағы ежелгі қалалар — Тараз, Отырар және басқа тарихи орталықтар арқылы өтеді. - Шымкент — Өзбекстан шекарасы трассасы (2.66 млн сапар). Туристер мен іскер жолаушылар арасында танымал. Шымкенттен Ташкентке, одан Самарқан мен Бұхараға оңай жетуге болады.
- Астана — Теміртау трассасы (1.44 млн). Елдің индустриялық орталығы саналатын Қарағанды облысына, мәдени мұрасы бай өңірге және Балқаш көліне апаратын жол.
- Астана — Щучинск трассасы (1.36 млн сапар). Аты аңызға айналған Бурабай курортына апаратын бағыт, мұнда туристерді қарағайлы орман, тау шыңдары мен көрікті көлдер күтіп тұр.
- Қостанай — Денисовка трассасы (843 мың сапар) және Ресей шекарасына шығатын жол (700 мыңнан астам сапар). Солтүстік аймаққа және Ресейге қатынайтын бағыттар, шекара маңындағы тұрғындар арасында танымал.
- Алматы — Қорғас трассасы (696 мың сапар). Қытай шекарасындағы ең ірі
сауда-туристік хабқа апарады, мұнда саяхат саудамен және мәдени таныммен ұштасады. Осы жол арқылы Шарын шатқалына, Көлсай мен Қайыңды көлдеріне жетуге болады. - Павлодар — Семей — Қалбатау трассасы (448 мың сапар). Шығыс Қазақстан — табиғаты көркем әрі Абайдың рухани мұрасына бай өңір.
Ұлттық компания Астана — Алматы, Талдықорған — Өскемен, Атырау — Астрахань және Ақтөбе — Қандыағаш сияқты ірі жобалардың арқасында автосаяхатшылар Каспий, Алтай, Жетісуға немесе Орталық Қазақстанның даласына жол тартады деп атап өтті. Қазірдің өзінде елдің сегіз өңірінде демалыс аймақтарына және мәдени көрнекі жерлерге апаратын 2 мың шақырымнан асатын республикалық жол жасалып жатыр.
Комментариев: 0