Қазір куәліктің «Қосымша ақпарат» бөлімінде практикалық емтиханда жүргізген көліктің трансмиссия түрі міндетті түрде жазылады. Жүргізуші емтиханды «автомат» қораппен жабдықталған машинамен тапсырса, ол «механикалық» трансмиссиясы бар автомобильді тізгіндей алмайды. Бірақ бұл норма ескіргені анық. Өйткені жаңа көліктердің басым бөлігі автоматпен шығады, ал механикалық қорап көбіне коммерциялық техникада кездеседі. Жүрген машиналардың арасында да механикалық трансмиссия азайып барады.
Биыл 25 мамырдан бастап жүргізушіні дайындау, емтихан қабылдау және жүргізуші куәлігін беру ережесі өзгереді. Құжаттың
«Практикалық емтихан тапсырған кезде жүргізген көлік құралының трансмиссиясы туралы мәлімет жүргізуші куәлігінің „Қосымша ақпарат“ бөлімінде жазылмайды».
Яғни өзгеріс күшіне енгеннен кейін куәлік алғандар кез келген трансмиссиясы бар машинаны жүргізе алады. Бұл норманың куәлігінде белгісі бар азаматтарға қатысы жоқ. Олар құжатын ауыстырғанша тек автомат қорабы бар автомобильді тізгіндейді.
25 мамырдан бастап көлік тіркеу ережесі өзгереді. Енді кез келген ұсталған нөмірді туыстарға беруге болады. Бұған дейін билік сұраныс жоғары нөмірді ғана басқа кісіге тапсыруға рұқсат еткен.
Комментариев: 0