«Азаматтарға арналған үкімет» арнайы орталықтардың дерекқорын Денсаулық сақтау министрлігінің ақпараттық жүйесімен біріктіру жұмысын аяқтады. Мемлекеттік корпорация таратқан мәліметке сәйкес енді жүргізуші куәлігін алатын кезде № 073/у медициналық анықтаманың қағаз нұсқасы сұралмайды. Медициналық тексеріс нәтижелері «Халыққа қызмет көрсету орталықтарының» ақпараттық жүйесіне автоматты түрде жолданады. Бұл өтінімді қарау барысын жеделдетіп, жалған құжат тапсыру сияқты жағдайлардың алдын алуға және жүргізуші куәлігін беру процесін барынша ашық қылуға мүмкіндік береді.
Жүргізуші куәлігін мерзімі аяқталмай тұрып ауыстырған жағдайда медициналық тексерістен өтудің керегі жоқ. Психоневрологиялық және наркологиялық диспансерлерден де анықтама алмайсыз.
Комментариев: 0