Жолсыз жерде жүретін Porsche 911

Porsche 911-ге негізделген жобаларымен танымал Данияның Kalmar Automotive компаниясы 997 индексті купенің ерекше нұсқасын көрсетті. Спорткар жолсыз жерде жүруге арналған. Тұсаукесер суретінен Kalmar RS-7-нің мұздағы мүмкіндігін байқауға болады, бірақ сипаттамада машина қара жолда да жақсы жүретіні жазылған.

1 / 10

• 
• 
• 
• 
• 
• 
• 
• 
• 
• 

1 / 10

Тюнерлер негізінен спорткардың жүріс бөлігін өзгерткен. Клиренсті реттеуге болатын жаңа TracTive амортизаторын орнатты. Клиренсті 170-ден 210 миллиметрге жеткізуге мүмкіндік бар әрі оны рөлде отырып жасауға болады, ол үшін 911-дің ортаңғы консоліндегі стандарт медиажүйенің орнында сенсорлы панель пайда болды.

Демокар бұдыры бар мұзға арналған шинамен жүреді, бірақ Kalmar жолсызға арналған Michelin резеңкесін қоса ұсынып отыр. Ол үшін арка кеңейткіш орнатылған. Шанағы арт жағындағы үлкен спойлер, алдыңғы бөліктегі ралли стиліндегі жарық панелі және экспедицияға арналған жүксалғышпен толыққан.

1 / 3

• 
• 
• 

1 / 3

Салондағы басты өзгеріс ретінде медиажүйенің жоқтығымен қатар Recaro CS Sportster креслосын атауға болады. Трансмиссияда артқы дифференциал болады. Kalmar мұндай спорткар қанша тұратынын жариялаған жоқ.