Жолсыз жерде жүретін Lamborghini Urus саудаға шықты

duPont Registry сайтында ерекше Lamborghini Urus сатылатыны туралы хабарландыру пайда болды. Apocalypse Inferno деп аталатын бұл нұсқаны экстремал жол талғамайтын көліктер жасайтын Флоридадағы Apocalypse Manufacturing тюнинг-ательесі әзірлеген. Бағасы — 299 999 доллар (151 млн теңге).

1 / 11

• 
• 
• 
• 
• 
• 
• 
• 
• 
• 
• 

1 / 11

Inferno-ның қарапайым Urus-тан басты айырмашылығы — ұлғайған клиренсі. Жүріс бөлігі туралы толық ақпарат берілмеген, тек 22 дюймдік дискілері 33 дюймдік Nitto Ridge Grapplers шинасымен қапталғаны белгілі. Кроссовер астын қорғайтын пластинамен жабдықталған. Кевлармен қапталған жүксалғыш орнатылған, онда қосалқы дөңгелек пен қосымша жарық техникасы жайғасыпты.

Тюнерлер Inferno үшін арка кеңейткіштері және ірі диффузоры бар карбон бастырық жасаған. Көліктің газ шығару жүйесі де өзгерді.

1 / 19

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 19

Хабарландыруда Urus-тың 4.0 литрлік V8 моторы 660 ат күшін (854 Нм) береді деп жазылған. Мамандар қозғалтқыштың қуатын 860 ат күшіне дейін арттырды, осылайша машина алғашқы жүздікті небәрі 3 секундта еңсереді.

2022 жылы жасалған автомобиль осы күнге дейін 25 мың шақырым жүрген. Кроссовер бірегей болғандықтан бағасы жоғары. Apocalypse Manufacturing ательесі осындай Inferno-ның бір данасын ғана жасапты.