Жол талғамайтын Toyota Alphard

Токиодағы автосалон алаңдарының бірінде Double Eight тюнинг-студиясы түрленген Toyota Alphard-ты таныстырды. Машина жергілікті афтермаркеттің жетістігін көрсету үшін жасалған.

Гибрид күштік құрылыммен жүретін төртінші буын өкілінің клиренсі едәуір ұлғайып, Toyo Open Country R/T шинасымен қапталған дөңгелектер алды. Мамандар арт жағына жайғасқан қосалқы дөңгелекті дәл сол резеңкемен қаптапты.

1 / 8

• 
• 
• 
• 
• 
• 
• 
• 

1 / 8

Асфальт сыртында жүретін көлікті TRD жасаған картер қорғанышы бар болат бамперлер, шанағын бойлай орналасқан пластик бастырық қорғайды. Мұның бәрі қосымша жарық техникасымен толықты, шеберлер экспедициялық жүксалғыштың алдыңғы арқалығына алты прожектор қойған. Машинаның сұр-қара реңкті ұстамды келбетін көкшіл сэнд-трак пен бірнеше акцент бұзып тұрғандай көрінеді.

Сан түрлі жабдық, аспа лифті мен опция түріндегі толық жетек жүйесін алса да, Alphard нағыз жол талғамайтын көлік атанбайтыны анық. Оның трансмиссиясында бұғатталатын дифференциал да, жолдағы кедір-бұдырға бейімдейтін электрондық жүйе де жоқ. Бірақ минивэнін біршама жақсартып алып, демалысқа шыққысы келетіндер табылатын шығар.