Жол талғамайтын Porsche 911 гибрид болады

Жолсызға арналған Porsche 911 модификациясы топтамаға қайта қосылады. Autocar басылымының дереккөздері хабарлғандай, 911 Dakar гибрид агрегат алып, одан да жылдам болады. Компания 2025 жылдың аяғында өндірісті бастайды.

1 / 5

• 
• 
• 
• 
• 

Porsche 911 Dakar

Porsche 911 Dakar

Porsche 911 Dakar

Porsche 911 Dakar

Porsche 911 Dakar

1 / 5

Инсайдерлер жаңарған модельге 911 GTS-тегі T-Hybrid күштік құрылымы орнатылып, қуаты артатынын айтқан. Алдыңғы модель 480 ат күшіне ие 6 цилиндрлі мотормен жабдықталса, қазіргі 911 GTS жалпы қуаты 541 ат күшіне (610 Нм) тең 3.6 литрлік турбомотор және электрлі қозғалтқышпен жүреді, динамикасы да жақсарады. Бұрын Dakar алғашқы жүздікті 3.4 секундта еңсерсе, енді бұл көрсеткіш 3 секундқа дейін қысқаруы мүмкін.

Мұндай 911-дің батарея сыйымдылығы небәрі 1.9 кВт⋅сағ болғандықтан электр қуатымен жүре алмайды. Дегенмен электромотордың арқасында отынды аз тұтынады. Бірақ автомобиль қымбаттайды. Бұрын 911 Dakar-дың құны шамамен 220 мың доллардан (шамамен 110 млн теңге) басталса, жаңа нұсқасының бағасы 250 мың долларға (126 млн теңге) жетуі мүмкін.

Бренд рестайлингке дейінгі 911 Dakar-ды құрастыруды былтыр қарашада аяқтады. Ал жаңа өнімнің өндіріс көлемі бұрынғыдай 2.5 мың экземпляр деңгейінде қалуы мүмкін.