2025 жылы билік Жол активтері сапасының ұлттық орталығы жаңадан салынған немесе жөндеуден өткен автожолдан ақау тапса, оны қолданысқа беруге болмайды деген шешім қабылдаған. Көлік министрлігі бұл талап өте тиімді болғанын хабарлады.
Былтыр мердігерлер анықталған ақауды өз есебінен түзетіп, қайта жөндеуге 1 млрд теңге жұмсаған. Салыстыру үшін айтсақ, бұл көрсеткіш 2023 жылы 4.1 млрд, 2024 жылы 3.9 млрд теңге болған. Мұндай ақаулар негізінен облыстық және аудандық маңызы бар жолдарды жаңартқан кезде анықталыпты.
«Бұл жол салу барысында болатын заң бұзу әрекеттері мен ақау санының азайғанын көрсетеді. Қазір табылған кемшілікті түзетпей, нысанды пайдалану мүмкін емес, сондықтан мердігерлер технологиялық талапты сақтауға және жұмыстың сапасына көбірек көңіл бөле бастады», — деді министрлік өкілдері.
Мекеменің мәліметінше Жол активтері сапасының ұлттық орталығы жұмыс пен материал сапасын қадағалау қағидасы бойынша автомобиль жолдарын салу және қайта жөндеудің барлық кезеңінде сапа сараптамасын жасайды.
Комментариев: 0