2.7 млрд тенге за три года разворовали в Казахстане при строительстве дорог

Жол салу барысында 2.7 млрд теңге талан-таражға түскен

Сыбайлас жемқорлыққа қарсы іс-қимыл агенттігі мемлекетке зиян келтірген жүзге жуық деректі анықтады.

Қазақстанның 55 азаматы жемқорлық қылмысы үшін жауапкершілікке тартылып, олардың 24-іне жаза кесілді. Нақтырақ айтсақ, мекеменің баспасөз қызметі хабарлағандай, жол салу барысында қолданылуы тиіс материалдарды арзанына ауыстыруға келісім бергені үшін 2 млн теңге алған «Алматыжоллаборатория» РММ-нің директоры алған пара көлемініен 20 есе артық, яғни 40 млн теңге көлемінде айыппұл арқалады.

«Павлодаржоллаборатория» РММ-нің басшысы мен «ҚазАвтоЖол» ҰК" АҚ-ның облыстық бөлімінің директоры және оның орынбасарына қатысты іс те сотқа жіберілді. Шенділер «Нұрлы жол» бағдарламасының аясында салынып жатқан Астана — Павлодар және Павлодар — Семей тас жолдарына құрылыс жүргізіп, қайта жөндеу жұмыстарын атқаратын мердігер компаниялардан жүйелі түрде пара алып келген.

Маңғыстаулық жол жөндеушілер басшыларының да қолының сұғы бар көрінеді. «ҚазАвтоЖол» ҰК" АҚ-ның облыстық бөлімінің директоры мен орынбасары мердігерлерден пара алды және жол жөндеу жұмыстарының атқарылғаны туралы жалған актілер толтыру арқылы бюджет қаржысын қалтаға басты деген күдікке ілінді.

Осы орайда естеріңізге сала кетейік, биыл Қазақстанда 4 500 шақырымға жуық жолды жөндеуден өткізіп, олардың 553 шақырымын қолданысқа беру жоспарланып отыр.

Комментариев: 0

Чтобы оставить комментарий, вам необходимо зарегистрироваться или авторизоваться.