18 қараша күні кешкі сағат 22.30.-да Орал қаласындағы Жәңгір хан мен Брусиловский көшелерінің қиылысында полиция қызметкері қызметтік көлікпен келе жатып 21 жастағы қыз баланы қағып кеткен.
Дәрігерлердің диагнозы – бас сүйек мен оң бұғана сынығы, бас-ми ашық жарақаты. Жағдайы ауыр.
«Жол көлік оқиғасын жасаған полиция аға лейтенанты Р.Баймұқашевқа қатысты Қылмыстық кодекстің 345-бабы 2 бөлімі бойынша іс қозғалып, сотқа дейінгі тергеу жұмыстары басталды. Азаматтардың қауіпсіздігін қамтамасыз етуі тиіс полиция өкілінің қызмет кезінде мұндай оқиғаға жол беруі – өте өрескел жағдай. Сондықтан қызмет тәртібін өрескел бұзған қызметкер тәртіптік кеңестің шешімімен ішкі істер органдарынан шығарылды. Сондай-ақ оның тікелей командирлері мен басшылары тәртіптік жауапкершілікке тартылды» делінген Батыс Қазақстан облыстық Полиция департаменті таратқан баспасөз парағында.
Комментариев: 0