Жақында жаңарған УАЗ «Патриоттың» тұсаукесері өтеді

УАЗ «Патриот» құрылымына енген басты өзгеріс биыл жыл басында белгілі болған. Автомобиль JAC-тың 136 ат күшіне ие (320 Нм) 2 литрлік турбодизель моторымен және сол компанияның 6 сатылы механика қорабымен жабдықталады. Болашақта бұл қатарға 6 сатылы автомат қорап қосылады.

Басқа буынға жататын агрегатты автомобильге бейімдеу оңай болған жоқ, тіпті капот астын басқаша орналастыруға тура келді. Айта кетейік, қазір жол талғамайтын көлік 150 ат күшіне ие (235 Нм) 2.7 литрлік отандық ZMZ Pro бензомоторымен жүреді. Мұндай қозғалтқыш 5 сатылы механика қораппен жұптасады.

1 / 4

• 
• 
• 
• 

1 / 4

«Патриоттың» сырт пішініндегі басты өзгеріс ретінде жаңа алдыңғы шам мен артқы шырақты айтуға болады. Олардың корпусы сол күйінде қалғанымен, дизайны өзгерді әрі енді жарықдиодты болады. Суреттегі оптика әлі макет күйінде тұр, машина кейін жергілікті нарыққа сай толықтай өзгереді.

Жаңарған УАЗ «Патриоттың» ресми тұсаукесері 11 желтоқсанда Мәскеудегі «Соллерс өнімдерінің күні» іс-шарасы аясында өтеді. Машина салоны өзгере ме, белгісіз.