Toyota төрт есікті Corolla-ны жаңартуға кірісті. Көліктің суреттері Қытай өнеркәсіп министрлігінің сертификат базасында пайда болды. Corolla-ның алдыңғы бөлігі өзгеріп, дизайны брендтің қазіргі стиліне бейімделеді.
Седанның капоты, қанаттары, бампері және жарық техникасы жаңарды. Енді автомобиль Toyota-ның Camry, Prius немесе RAV4 сияқты өнімдеріне ұқсайды. Сырт пішіні бұрынғыдай, артында аса өзгеріс жоқ, тек шамдардың хромдалған жиегі күңгірт тартқан. Модель жаңа 17 дюймдік дискілер жинағын алады.
Қытайда Toyota Corolla екі түрлі күштік құрылыммен сатыла береді. Машина 171 ат күшін беретін 2 литрлік бензинді қозғалтқышпен немесе 1.8 литрлік моторға (98 а.к.) негізделген гибрид жүйемен жабдықталады, ол никель-кобальт-марганец аккумуляторымен жұмыс істейді. Сертификат құжаттарында барлық техникалық сипаттамасы көрсетілмегендіктен, күштік құрылымы жаңаруы мүмкін. Corolla-ның өлшемдері — 4710×1780×1435 мм, дөңгелек базасы — 2750 мм.
Бренд модельді қашан сата бастайтыны белгісіз, бірақ сертификат алғанын ескерсек, жақында нарыққа шығуы ықтимал.
Комментариев: 0