Үндістанда Tata Punch субкомпакт кроссоверінің іштен жанатын қозғалтқышы жоқ модификациясы жаңарды. Биылдан бастап Punch EV 6.49 лакх (~3.55 млн теңге) тұрады, бір жыл бұрын бағасы кемінде 9.99 лакх (~5.46 млн теңге) еді.
Бұл автомобильдің батареясыз құны, ал аккумуляторды абоненттік төлем арқылы алуға болады. Клиент әр километр үшін 2.6 рупия (14.2 теңге) төлейді. Бірақ компания Suzuki-дің стратегиясын қайталамай, электромобильді толық сатып алу мүмкіндігін де ұсынады. Мұндай жағдайда электрокар комплектациясына байланысты 9.69–12.59 лакх (~5.3—6.9 млн теңге) тұрады.
Моножетекті мини-кроссовердің өлшемдері — 3880×1742×1633 мм, клиренсі — 195 мм, жүксалғыш көлемі — 366 литр. Машина алдыңғы осьтегі 85 ат күшін (Medium-Range) не 127 ат күшін (Long Range) беретін мотормен жүреді және 30 немесе 40 кВт⋅сағат батареямен жабдықталады. Жүріс қоры 355 шақырымға жетеді. Алғашқы жүздікті 9 секундта еңсереді.
Базалық модельде аспаптар панелі қарапайым және мультимедиа экраны жоқ, себебі 10.25 дюймдік дисплей, цифрлық аспаптар панелі, желдетілетін орындықтар, люк, сымсыз қуаттағыш және айнала шолу камерасы тек қымбат түрленімде бар немесе опция ретінде қолжетімді. Бірақ алты қауіпсіздік жастығын барлық нұсқаға орнатқан.
Комментариев: 0