Porsche компаниясы тамыз айының аяғында Panamera-ның рестайлинг топтамасын таныстырды. Енді оның қатары Turbo S E-Hybrid флагманымен толықты. Аталған модель үшін мамандар V8 бензинді моторының өнімділігін 550-ден 571 ат күшіне арттырды. 136 күш беретін электрлі қозғалтқыштың қуаты бұрынғы деңгейде қалғанын ескерсек, жалпы 870 Нм беретін аралас күштік құрылымның қуаты 700 ат күшіне артты.
Panamera Turbo S E-Hybrid алғашқы жүздікті 3.2 секундта еңсереді, ең жоғары жылдамдығы сағатына 315 шақырымға жетеді. Гибрид ІЖҚ көмегінсіз 50 км жол жүре алады. Мұны керемет жетістік деп айту қиын, себебі бензинді Panamera Turbo S (600 а.к.) алғашқы жүздікті 3.1 секундта алады.
Panamera Turbo S E-Hybrid өз отанында 185 537 еуро тұрады. Мұны қымбатсығандар 2.9 литрлік бензинді моторы бар, электрлі қозғалтқышпен бірге 462 ат күшін беретін 4 E-Hybrid алса болады. Бұл көліктің бағасы 110 369 еуро.
Комментариев: 0