Жаңарған Geely Monjaro-ның салоны өзгеше болады

«Китайские автомобили» басылымы Geely Қытайда жаңа Monjaro-ға алдын ала тапсырыс қабылдап жатқанын хабарлады. Машинаның сырт пішінінде өзгеріс аз, бірақ салоны жақсарып, қозғалтқышының қуаты артқан. Кроссовер қазір 159 700–179 700 юаньға (12–13.6 млн теңге) бағаланып отыр, бірақ тікелей сауда басталғанда сәл арзандауы мүмкін.

1 / 7

• 
• 
• 
• 
• 
• 
• 

1 / 7

Кроссовер сырттай ірі ауатартқышы бар агрессивті алдыңғы бамперімен ерекшеленеді. Марка Monjaro-ны басқа дөңгелек дискісімен жабдықтаған. Модельдің өлшемі бұрынғыдай: ұзындығы — 4795 мм, дөңгелек базасы — 2845 мм.

Интерьердегі басты өзгеріс — алдыңғы панель. Бұрын ондағы екі дисплей бірге орналасса, қазір бөлек тұр. Олардың диагоналі — 14.6 дюйм, аспаптар панелінің көлемі — 12.3 дюйм. Медиажүйе Flyme Auto операциялық жүйесімен жұмыс істейді әрі 16 динамигі болады. Ортаңғы тоннель архитектурасы түрленді, онда трансмиссия селекторы жаңарған.

Трансмиссия 8 сатылы автомат және BorgWarner толық жетекті жүйесінен тұрады. Monjaro 272 ат күшіне ие 2 литрлік турбомотормен жүреді. Кроссовердің жүріс бөлігінде бейімді амортизатордың калибрі ауысқан. Monjaro 26 сезгегі бар жаңа G-Pilot H3 электрондық көмекшілер кешенін де алды.