Жаңарған Chevrolet Traverse Қазақстанға келді

Жаңарған Chevrolet Traverse Қазақстанға келді

Көліктің өңі сәл жақсарып, электроникасы көбейген.

Америкалықтар Chevrolet Traverse-тің 2017 жылы шыққан екінші буынын жаңартып, 2020 жылдың аяғына қарай сатуды жоспарлаған. Алайда әлемді індет жайлағандықтан, мұны кейінге қалдыруға тура келді. АҚШ-тағы салондарда автомобиль былтыр ғана пайда болды, ал біздің елге енді жетті. Марканың ресми өкілдері кроссовер бағасын жарияладыі.

Сырттай машинаны Suburban стилінде жасалған жаңа радиатор торы мен жарықдиодты оптикасынан танисыз. Ішінде аспаптар панелінің 8 дюймдік экраны бірден назар аудартады.

Моторы бұрынғыдай, Traverse 318 ат күші мен 350 Нм момент беретін 3.6 литрлік V6-мен жүреді. Қозғалтқыш 9 сатылы автоматпен жұптасады. Машина толық жетекті.

Chevrolet Қазақстан тұрғындарына модельдің Premier деп аталатын жалғыз комплектациясын ұсынады. Бағасы — 33 млн теңге. Ал оның елдегі басты бәсекелесі саналатын Toyota Highlander 30.4-35.2 млн теңге тұрады.

Алдыңғы буын өкілімен салыстырғанда қазіргі паркетник біршама жасқы жабдықталған. Электронды көмекшілер тізімінде автоматты тежеу, жолақты қадағалау және ұстап тұру, бейімді круиз-бақылау жүйелері бар. Жүргізуші орындығы вибрация береді, панорамалы люк жасалған, аудиожүйесі Apple CarPlay, Android Auto-мен жұмыс істейді.

Сондай-ақ жабдықтар қатарынан орындық пен рөл реттегіш, сымсыз қуаттағыш, үш аймақты климат-бақылау, жүксалғыш қақпағының электр жетегі, Bose аудиожүйесі, айнала шолу камерасы, қашықтан ашу және т. б. таба аласыз.

Комментариев: 0

Чтобы оставить комментарий, вам необходимо зарегистрироваться или авторизоваться.