Жаңарған Chery Tiggo 7 Қазақстан нарығына шығады

Екінші буындағы Chery Tiggo 7 2019 жылы прототип ретінде жарық көріп, 2020 жылы нарыққа шыққан. Содан бері кроссовер бірнеше мәрте редизайннан өтіп, Қытайдан тыс жерде Pro және Pro Max нұсқасы пайда болды. Былтыр Ухудағы халықаралық бизнес-конференцияда марка кроссовердің тағы бір рестайлингтен өткен түрін таныстырды. Бренд модельді жақында Қазақстанда сата бастайды. Бұл ақпарат марканың ресми сайтында жарияланды.

1 / 6

• 
• 
• 
• 
• 
• 

1 / 6

Рестайлингтен өткен Tiggo 7-нің атауында қосымша жоқ, Pro Max-пен салыстырғанда ұзындығы 4500 мм-ден 4553 мм-ге артты. Ені 20 мм (1862 мм) өсіп, биіктігі 9 мм (1696 мм) қысқарды. Жүксалғыш көлемі өзгерген жоқ (475 литр). Екінші қатардағы орындықты бүктегенде оның көлемі 1500 литр болады.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Жаңарған модельдің интерьері айтарлықтай өзгерген. Алдыңғы панельде физикалық батырма болмайды, оның орнын сенсорлы блок басқан. Бірақ ортаңғы консольде батырмалар бар, олар жаңа робот қорап селекторының айналасында орналасқан. Цифрлы аспаптар панелі мен медиакешен экраны 12.3 дюйм.

Tiggo 7 Pro Max пен Tiggo 7-нің техникалық бөлігінде өзгеріс жоқ. Капот астында 150 ат күшіне ие (275 Нм) 1.6 литрлік турбомотор тұр. Ол 7 сатылы DCT-мен жұптаса жұмыс істейді. Опция ретінде толық жетек жүйесі бар.

Chery Tiggo 7-нің екі комплектациясын ұсынады деген ақпарат тарады. Біреуі алдыңғы жетекті, екіншісі толық жетекті болады. Екі нұсқаның жабдықтар тізімі бірдей. Tiggo 7 алдыңғы және бүйірлік эйрбэг, қауіпсіздік пердесі, базалық электронды көмекшілер жинағы, айнала шолу камерасы, алдыңғы және артқы парктроник, кілтсіз ашу жүйесі, круиз-бақылау, екі аймақты климат-бақылау, жылытуға болатын кресло, алдыңғы орындық пен жүксалғыш қақпағының электр жетегі, панорамалы люк, Apple CarPlay және Android Auto-мен жұмыс істейтін сегіз динамикті медиакешен және USB-розеткамен жабдықталған.

Қымбат түрленім 18 емес, 19 дюймдік дөңгелек дискісі, акустикалы әйнек, электрохромды артқы көрініс айнасы және бейімді круиз-бақылау, автоматты тежеу, жолақта ұстау сияқты үздік электронды көмекшілер жинағымен ерекшеленеді.

Автомобильдің алдыңғы жетекті нұсқасы 13.4 млн, толық жетекті түрленімі 15 млн теңге тұрады. Салыстыру үшін айтсақ, қазір Tiggo 7 Pro Max-тың бағасы – 13.3–14.3 млн теңге.