Zeekr Қытай нарығына жаңа электромобиль шығарды. Бұл — танымал 001-ден арзан шутинг-брейк. Көлік үш түрлі күштік құрылыммен жабдықталады. Бағасы — 202 900–232 900 юань (14.3–16.4 млн теңгеге жуық). 007 GT-дің базалық нұсқасы индексі сондай седаннан арзан, бірақ Zeekr 007-нің толық жабдықталған және қымбат модификациясы бар.
Қарапайым 007 GT-дің артқы осінде 421 ат күшін беретін электромотор тұрады және 75 кВт⋅сағ литий-темір-фосфатты аккумулятормен жабдықталады. Орташа нұсқада сол қозғалтқыш қалады, бірақ батарея сыйымдылығы 100 кВт⋅сағ болады. Ең қымбат универсал базалық модификацияның агрегатын алады және алдына қосымша қозғалтқыш орнатылады. Нәтижесінде жалпы қуаты 646 ат күшіне жетіп, алғашқы жүздікті 2.95 секундта еңсереді. Электрокарға Brembo тежеуішімен 100 км/сағ жылдамдықта тоқтау үшін 34.4 метр қажет.
Басқа техникалық сипаттамасы әзірге жарияланған жоқ, тек жүріс қоры 585-825 шақырымға жететіні белгілі. Батареямен өзге құрылғыларды, тіпті басқа көлікті қуаттауға болады.
Жабдықтар тізіміне пневмоэлементтер мен белсенді амортизаторлар, дисплейі 15.4 дюймдік медиажүйе, жасанды интеллектіге негізделген дыбысты көмекші, алдыңғы әйнекке түсетін 35.5 дюймдік проекция және екі сымсыз қуаттағыш кіреді. Салон наппа былғарысымен қапталады. Панорамалы шатыр, электр көмегімен 14 бағытта реттелетін, желдету және массаж функцияларына ие орындықтар, ұсақ-түйек салатын 36 орын бар. Жүксалғыш көлемі — 1737 литр. Жүргізуші ассистенттерінің кешені екі қуатты Nvidia Drive Orin-X чипімен және 30-ға жуық сезгекпен, лидармен жұмыс істейді.
Биыл Zeekr 007 GT Еуропа нарығына да жол тартады. Бірақ қарт құрлықта едәуір қымбат болуы мүмкін.
Комментариев: 0