Жаңа Xpeng P7 туралы алғашқы ақпарат шықты

Xpeng бұған дейін P7 индексті жаңа электроседанның ресми суретін жариялаған, бірақ сипаттамасы әлі құпия. Әдеттегідей модельдің сертификат құжатынан кейбір техникалық детальді біле алдық. Мысалы, P7-нің өлшемі мен агрегатына қатысты ақпарат жариияланды.

Жаңа Xpeng P7-нің өлшемі — 5017×1970×1427 мм, дөңгелек базасы — 3008 мм. Демек ол қазіргі P7+ моделінен сәл қысқа болады, бірақ дөңгелек базасы 8 мм ұзын. Седанның базалық нұсқасының салмағы — 2125 келі.

Ең арзан P7 артқы осьте орналасқан 367 ат күшіне ие бір қозғалтқышпен жүреді, мұндай машина литий-темір-фосфатты батареямен жабдықталған. Орташа түрленім осы мотормен жүреді, бірақ батареясы никель-марганец-кобальт болады. Ең үздік P7 толық жетекті, артқы осінде 227 ат күшін беретін қосымша қозғалтқыш тұрады. Бұл нұсқаның сырт пішіні қызғылт сары түсті тежеуіш суппортымен ерекшеленеді. Электрокардың ең жоғары жылдамдығы — 230 км/сағ.

Xpeng бренді P7-ні 20 немесе 21 дюймдік дөңгелек дискісімен жабдықтайды, ал шанақта карбон элементтер болады.

Компания жаңа өнім қазіргі P7i моделінің орнын басатынын хабарлады. Бағасы 300 мың юаньнан (21 млн теңге) басталады деген болжам бар. Xpeng P7 шетел нарығына да шығады.