АҚШ-та Volkswagen Passat-тың 2011 жылғы үлгісін алмастыратын жаңа буыны көрсетілді. Автоның шынайы суреттерімен ешкім бөлісе қоймас. Өйткені, эмбарго жарияланды.
Дегенмен, Volkswagen компаниясы жомарттық танытып, көліктің ресми сызбаларын жария етті. Көз жүгіртсек, бұл Passat-ты бұрында көрген екенбіз… Қытайдан. Седан Қытайға арналған үлгінің эксклюзивті нұсқасына қатты ұқсайды.
Ал автокөліктің техникалық жағына қатысты біршама мәлімет бар. Америкалық көлікті жаңа MQB платформасына көшірмей, бұрынғы PQ46 платформасында қалдыруды ұйғарыпты. Passat-ты бізге таныс 176 аттың күшіне ие 2 литрлік агрегат қозғалысқа келтіреді. Аспаптар панелінің орнына дисплей орнатылмайтыны сияқты, темір тұлпардың гибридтік нұсқалары да болмайды.
Есесіне, Volkswagen өкілдері 8 дюймді дисплейі бар мультимедиа мен бейімделгіш круиз-бақылау жүйесін орнатады.
Біздің елге Passat-тың жаңа буыны келе қоймайтын сияқты. Ендеше келер жылы паш етілетін рестайлингті күтейік.
О, керемет!