Жаңа Volkswagen Amarok «қытай» болады

Amarok пикабының жаңа буыны 2027 жылы жарық көреді. Көлікті бұрынғыдай алғашқы Amarok шыққан Аргентинадағы Хенераль Пачеко қаласындағы зауыт құрастырады. Модель жаңаратыны биыл көктемде белгілі болды. Volkswagen оны электрлі құрылымға көшіру туралы жоспарын ресми түрде растады. Жолда сынақтан өтіп жатқан прототиптер де көзге түсті.

2022 жылы конвейерге тұрған Amarok-тың екінші буыны сияқты Volkswagen оны басқа автоөндірушімен бірлесіп әзірлейді. Бұрын немістер Ford Ranger мен Everest-ке негізделген T6 платформасын қолданса, Amarok-тың үшінші буыны енді SAIC агрегаттарына көшеді. Volkswagen бұл компаниямен етене жұмыс істейді.

Новым Volkswagen Amarok станет «китаец» — Maxus Interstellar X

Болашақ Amarok қай модельге негізделетіні де белгілі. Ол — Maxus Terron 9 (кей нарықта Maxus Interstellar X немесе LDV Terron 9 деп аталады).

Пикаптың ұзындығы — 5.5 метр, дөңгелек базасы — 3.3 метр. Автомобиль 1.7 метрлік жүк салғышымен 620 кг жүк көтереді және 3.5 тоннаға дейін тіркеме сүйрей алады.

1 / 9

Maxus eTerron 9

1 / 9

Машина екі түрлі күштік құрылым алуы мүмкін. Біріншісі 224 ат күшіне ие (520 Нм) 2.5 литрлік дизельді мотормен, 8 сатылы ZF автоматымен және алдыңғы/артқы дифференциалды бұғаттайтын толық жетек жүйесімен жабдықталған. Екіншісі электрлі, алдыңғы оське 185 ат күшін, артына 290 ат күшін беретін агрегат орнатылған. Олар 102 кВт·сағ батареядан қуат алады, жүріс қоры 560 шақырымға жетеді.

Жаңарған Amarok-тың сырт келбеті қандай болатыны әзірге белгісіз. Жолдағы прототиптер Қытай пикаптарынан аса ерекшеленбейді. Сондықтан тек эмблемасы мен бампері ауысуы ықтимал.

Комментариев: 0