Жаңа трассаларда орташа жылдамдық тіркеледі. Толық тізім

2025 жылғы 17 наурыздан бастап камералар көліктің орташа жылдамдығын сегіз ақылы трассада тіркеп жатыр:

• Астана — Щучинск — 211 км;
• Астана — Павлодар — 375 км;
• Шымкент — Қызылорда — 426 км;
• Шымкент — Тараз — 89 км;
• Павлодар — Семей — Қалбатау — 456 км;
• Орал — РФ шекарасы (Саратов) — 100 км;
• Павлодар — РФ шекарасы (Омбы) — 198 км;
• Астана — Теміртау — 134 км.

Көлік министрлігі Автомобиль жолдары комитетінің Kolesa.kz редакциясына берген мәліметіне сәйкес бұл шара жол-көлік оқиғасының санын 15 % азайтқан. Қазір Ішкі істер министрлігі және Бас прокуратураның Құқықтық статистика және арнайы есепке алу комитетімен бірлесіп, жалпы ұзындығы 560 км болатын үш ақылы жолда орташа жылдамдықты асырғандар туралы деректерді алу мәселесін қарастырып жатыр:

• Көкшетау — Петропавл — 169 км;
• Алматы — Қорғас — 295 км;
• Ақтөбе — Қандыағаш — 96 км.

Билік аппараттық-бағдарламалық кешендерге метрологиялық тексеру сертификаттарын алғаннан кейін, 2.2 мың шақырым болатын тағы 13 ақылы жолда орташа жылдамдықты бақылау жүйесін қосады:

• Шымкент — Өзбекстан шекарасы — 84 км;
• Тараз — Қайнар — 238 км;
• Қонаев — Талдықорған — 186 км;
• Орал — РФ шекарасы (Самара) — 56 км;
• Қызылорда — Арал — 455 км;
• Ақтөбе — РФ шекарасы (Орынбор) — 83 км;
• Қостанай — РФ шекарасы (Троицк) — 153 км;
• Қостанай — Денисовка — 151 км;
• «Таразды айналып өтетін жол» — 57 км;
• Балқаш — Бурылбайтал — 91 км;
• Шу — Бурылбайтал — 176 км;
• Қандыағаш — Мақат — 381 км;
• Үшарал — Достық — 123 км.

Үкімет ақылы жүйе енгізгеннен кейін Өскемен — Талдықорған және Қарағанды — Алматы жолдарында да камера орташа жылдамдықты тіркей бастайды.