Жаңа Škoda Superb Қазақстанға келді

Škoda-ның Қазақстандағы ресми өкілдері топтамадағы флагмандардың бірі саудаға шыққанын хабарлады. Бренд Superb-тің төртінші буынын Қостанайдағы зауытта құрастырып, Selection және Laurin&Klement атты екі негізгі комплектацияда ұсынады. Екеуінің алдыңғы немесе толық жетекті нұсқасына тапсырыс беруге болады.

Новый Škoda Superb вернулся на рынок Казахстана. Сколько стоит?

Superb тек 2 литрлік турбомотормен және 7 сатылы DSG қорабымен жабдықталады. Алдыңғы жетекті көлікте қозғалтқыш 190 ат күшін (320 Нм) береді, толық жетекті модификациядағы агрегаттың қуаты 265 ат күшіне (400 Нм) жетеді.

Selection комплектациясына алдыңғы және бүйірлік эйрбег, қауіпсіздік пердесі, ортаңғы және тізе тұсын қорғайтын жастық, жүргізуші ассистенттерінің базалық жинағы, жарық және жаңбыр сезгегі, парктроник, круиз-бақылау, айнала шолу камерасы және тағы басқалары кіреді. Жабдықтар тізімінде үш аймақты климат-бақылау, цифрлық аспаптар панелі, 13 дюймдік экраны бар мультимедиа жүйесі, 8 динамик, проекциялық дисплей, сымсыз қуаттағыш, барлық орындықты жылытқыш және алдыңғы орындықтарды желдеткіш, жүргізуші орындығында массаж функциясы, алдыңғы әйнек, рөл және айна жылытқыш, электр жетекті жүксалғыш бар.

Алдыңғы жетекті Superb Selection — 21.5 млн теңге, толық жетектісі 24 млн теңге тұрады.

1 / 5

Laurin&Klement түрленімі хром элементтер, өзгеше дискілер, жасанды және табиғи былғарымен қапталған орындықтар, артқы қатардағы планшет ұстағыштар, дыбыс оқшаулағыш әйнектер, 14 динамигі бар жақсарған аудиожүйе, артқы жолаушыларға арналған бүйірлік қауіпсіздік жастығы, жүріс электроникасының режимін таңдау және рөл күшейткішімен ерекшеленеді.

Škoda Superb Laurin&Klement күштік құрылым қуаты мен жетек түріне қарай 24.5 немесе 26.5 млн теңгеге бағаланды.