Renault үш жыл бұрын көпшілікке көрсетілген Duster-дің екінші буынын Бразилияға ұсынды. Мұның бізге не қатысы бар дейтін шығарсыз. Алайда Қазақстандағы алғашқы Duster-дің бразилиялық көліктен еш айырмашылығы жоқ, олар тіпті бір уақытта жаңартылған.
Екінші буындағы Duster-дің ЕЭО елдеріне қашан жететіні белгісіз. Бірақ бұл кроссовер Қазақстанға келер болса, не күтуге болатынын білер едік.
Машинаның сырт кейпі жайлы сөз қозғаудың қажеті жоқ. Тек клиренсі өзгеше. Бразилиялық кроссовердің биіктігі 237 мм, ал бізге ұсынылатын көлік 27 мм-ге төмен. Салонында 8 дюймдік экраны бар EasyLink медиажүйесі бірден көзге түседі.
«Дастер» үшін 1.6 литрлік атмосфералы мотор базалық деп есептеледі. Ол 180 не 120 ат күшін бере алады. Мұндай көліктер тек алдыңғы жетекке ие. Таңдауға екі қорап: механика мен вариатор ұсынылады. Екінші агрегат — турбоүрлемге ие 1.3 литрлік мотор. Ол бізге Arkana арқылы таныс. Бұл жағдайда толық жетекті нұсқасына тапсырыс беру мүмкіндігі бар.
Егер жаңа Duster Қазақстанға жетсе, біздің нарыққа арналған көліктер дәл осы нұсқаларда келетін болады.
Комментариев: 0