Жаңа Nio кроссовері саудаға шықты

Nio Қытайда бюджеттік Onvo брендінің алғашқы өнімі — үлкен L90 кроссоверін сата бастады. Толық өлшемді SUV бір немесе екі электромотормен жүреді, қосымша жабдықтар тізімі мол, соған қарамастан Li Auto i8 сияқты бәсекелестерінен біршама арзан. Аккумулятор алмасаңыз, бағасы тағы төмендейді.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Onvo L90-ның өлшемі — 5145×1998×1786 мм, дөңгелек базасы — 3110 мм. Әдеттегі жүксалғышының көлемі — 430–1214 литр, алдыңғы жағында 240 литрлік тағы бір жүк бөлігі бар. Электрокар 20 дюймге дейінгі дөңгелек дискісі және отыздан аса сезгегі бар электронды көмекшілер жинағымен жабдықталған.

Onvo L90 салоны үш қатарлы, ол алты немесе жеті адамға арналған. Snapdragon 8295P чипімен жұмыс істейтін борт медиажүйесінің 24 ГБ жады, 17.2 дюймдік ортаңғы дисплейі және 23 динамикті, бірақ әдеттегі аспаптар панелі жоқ. Оның рөлін диагоналі 35 дюйм болатын әйнектегі проекция атқарады. Артқы жолаушыларға арналған тағы бірнеше экран бар — төбедегі 17.3 дюймдік жиналатын экран және қосымша функцияларды басқаруға арналған тачскрин. Кресло былғарымен қапталған, олар электр көмегімен реттеледі.

1 / 10

• 
• 
• 
• 
• 
• 
• 
• 
• 
• 

1 / 10

L90-ның 900 вольтты архитектурасы 85 киловатт батарея және екі күштік құрылымның біреуімен бірге жұмыс істейді. Автомобильдің базалық түрленімі артқы осьтегі 462 ат күшіне ие электромотормен жүреді. Мұндай L90 алғашқы жүздікті 5.9 секундта еңсереді, жүріс қоры 605 км-ге жетеді. Үздік комплектациясы алдыңғы осьтегі тағы бір мотормен толыққан, мұндай электрокардың жалпы қуаты 598 ат күшінен аспайды. Ол 4.7 секундта жүзге дейін жылдамдық алды, жүріс қоры — 570 км.

Nio Onvo L90-ды сатудың ерекше схемасын ұсынып отыр, егер батареяны сатып алмай, айына 900 юаньға жалға алсаңыз, кроссовер құны 179 800–213 800 юань (13.6–16.2 млн теңге) болады. Дәстүрлі схема бойынша алған кісі 265 800–299 800 юань (20–22.7 млн) санап береді. Сипаттамасы осыған сәйкес келетін Li Auto i8 электрокары Қытайда кем дегенде 321 800 юань (24.4 млн теңге) тұрады.