Жаңа Li Auto L9 Livis Қазақстанға қашан келеді

Көктемде Бейжің автосалонында Li Auto атауында Livis қосымшасы бар L9-дың жаңа буынын таныстырды. Бұл модель экспортқа шығады. Бренд өкілдері әлеуметтік желідегі парақшасында жаңа өнімнің халықаралық нұсқасы Қазақстанға биыл III тоқсанда келеді деп жазды.

1 / 8

• 
• 
• 
• 
• 
• 
• 
• 

1 / 8

Экспортталатын L9-ға қатысты ақпарат көп емес. Бірақ «Авторевю» басылымы хабарлағандай, кроссовер Еуропаға арналған CCS2 қуаттау порты, мастер-аккаунтты электрондық пошта арқылы тіркеу мүмкіндігі және жергілікті қосымшалары бар мультимедиамен ерекшеленеді.

Техникалық жағынан өзгеріс бола ма, кейбір функция шектеле ме, белгісіз.

Машинаның екінші буыны алдыңғысынан 37 мм ұзын (5255 мм). Дөңгелек базасы 20 мм (3125 мм), ені 2 мм, биіктігі 10 мм артқан.

1 / 6

• 
• 
• 
• 
• 
• 

1 / 6

Жаңа 6 орынды интерьер мен кроссовердің сырт келбеті бұрынғы стильді сақтап қалды. Алдыңғы панельде 29 дюймдік экран тұр, рөлде шағын фирмалық аспаптар панелі жоқ, салондағы есік тұтқасының орнын батырма басты.

Кроссовердің күштік құрылымы бұрынғыдай жұмыс істейді. L9 — тізбекті гибрид. Ол генератор рөлін атқаратын 156 ат күшіне ие 1.5 литрлік қозғалтқышпен және екі электромотормен жабдықталған. Жалпы қуаты — 571 ат күші мен 710 Нм. Электрлі агрегат 72.7 киловаттық NMC батареясынан қуат алады. Онымен автомобиль CLTC циклі бойынша 420 км, WLTC стандарты бойынша 340 шақырым еңсереді. Жалпы жүріс қоры — 1650 км.

Қытайда жаңа L9 Livis-тің бағасы — 459 800-509 800 юань (31.85–35.31 млн теңге). Қазақстанда модельдің бірінші буыны 41.1 млн теңге тұрады.