Жаңа Lexus GX қанша тұрады

Lexus осы жылдың маусымында көрсеткен GX-тің АҚШ-тағы бағасы белгілі болды. Америкалық журналистер күткен бағадан жоғары болып шықты.

354 ат күші (650 Нм) және V6 турбомоторы 10 сатылы автоматпен үйлескен үшінші буын Lexus GX-тің Америкадағы жеткізу ақысын қосқандағы құны 64 250 доллардан (29.2 миллион теңге) басталады. Екінші буын өкілінің стандарт нұсқасы 60 225 доллар (27.3 млн теңге) тұратын, оның үздік (Luxury) комплектациясы 70 880 долларға (32.2 миллион теңге) сатылса, жаңа көлік 81 250 долларға (36.9 миллион теңге) бағаланады.

АҚШ нарығындағы автомобильдің стандарт жабдықтар тізіміне Lexus Safety System+ 3.0 электронды көмекшісінің толық кешені, 12.3 дюймдік цифрлы аспаптар панелі, медиакешеннің 14 дюймдік экраны, 10 динамикті аудиожүйесі, алдыңғы орындықты жылыту, желдету және т.б. кіреді. Дегенмен орындық арасындағы салқындатқыш бокс, проекциялық экран және Mark Levinson премиум аудиожүйесі сияқты опция үшін қосымша ақы төлеуге тура келеді.

Қазақстанда Жаңа Lexus GX қанша болатыны әзірге белгісіз, егер бағасы АҚШ-тағыдай өседі деп есептесек, жергілікті сатып алушылар машинаның қарапайым нұсқасы үшін 51 миллион теңге төлеуі мүмкін, GX 460 қазір 48 150 000 теңге тұрады.