Жаңа Land Rover Defender сынақтан өтіп жатыр

Land Rover компаниясы Defender топтамасына шағын моделін қосады. Жақында басылымдар сынақ прототипінің суретін жариялады. Шағын кроссовердің сырт пішіні үлкен Defender-ге ұқсас, бірақ ол қала көшелерінде жүреді. Baby-Defender 2026 жылы нарыққа шығады.

1 / 9

• 
• 
• 
• 
• 
• 
• 
• 
• 

1 / 9

Жаңа өнімнің өлшемі Skoda Kodiaq-пен шамалас. Кроссовер ескі модельдің арка кеңейткіш, қырлы шанақ сияқты дизайн ерекшелігін сақтайды. Бірақ сұлбасы спорттық сипатқа ие болады. Төмен орналасқан бампері мен төмен клиренсі машинаның асфальт жолға арналғанын аңғартады.

«Бэби-Дефтің» техникалық жағы қазіргі Defender-ден мүлде басқаша. Жаңа өнім 800 вольттық EMA платформасына негізделген, машина тек электр күшімен қозғалады. Кроссовер Defender 80 немесе Defender Sport деген атаумен сатылады деген болжам бар. Оның басты бәсекелесі — Mercedes-Benz ұсынған «бэби-Гелик».

Land Rover жаңа платформа негізінде модельдік топтамасын біртіндеп электр жетекке ауыстыруды жоспарлап отыр. Қазір Range Rover мен Range Rover Sport-тың электрлі нұсқалары сынақтан өтіп жатыр. Сондай-ақ компания электрлі Velar, Evoque және Discovery Sport-ты шығарады.