Маусымда тұсаукесері өтетін жаңа Lexus GX-ті жарнамалау шарасы басталғанмен, Toyota оның жақын туысы Land Cruiser Prado туралы тіс жармай отыр.
Дегенмен GX-тің алдыңғы және артқы бөліктерін көріп, біршама мәлімет алған дизайнерлер J250 тақырыбында біраз қиялдапты. Нәтижесінде J150-ге тән қасиеттерді бойына жинаған қырлы автомобиль шықты.
Техникасына келер болсақ, инсайдерлер берген мәліметке сүйенген бірқатар басылым TNGA-F платформасында жасалған жол талғамайтын көлік 2.4 литрлік турбомотормен жүреді деп жазды. Су жаңа Tacoma капотының астында дәл сондай қозғалтқыш тұр. Бренд агрегатты жеке-дара емес, гибрид күштік құрылым құрамында ұсынады деген де болжам бар. Land Cruiser 300 бен Lexus LX-тегі сияқты қосарлы түрбоүрлемді V6 орнатуы да мүмкін.
Автоөндіруші Land Cruiser Prado-ны қашан таныстыратыны белгісіз. Жапониядағы дереккөздер таратқан ақпарат бойынша биыл жазда көріп қалуымыз мүмкін. Бірақ Lexus GX прадиктен бұрын жолға шығады.
Комментариев: 0