Жаңа Hyundai Palisade-тың XRT нұсқасы шығады

Hyundai Оңтүстік Кореяда Palisade-тың жаңа нұсқасын сынақтан өткізіп жатыр. Брендтің басқа модельдері сияқты XRT атауын алып, жолсыз жерде жүру мүмкіндігіне ие болады. Бұл модификацияның тұсаукесері алдағы айларда өтеді.

Palisade XRT дөңгелек аркаларына арналған ендірмесі бар бірегей қорғаныш бастырығымен және шанақ геометриясын жақсартатын бамперлермен жабдықталады. Кроссовер 18 дюймдік арнайы дискілер мен жолсызға арналған шиналар алады. Салоны төзімді материалдармен қапталып, арнайы жазулар пайда болады.

Жүріс бөлігі өзгере ме, белгісіз. Мысалы, дәл осы модификациядағы Ioniq 5-тің аспасы бапталып, клиренсі ұлғайған.

Компания Palisade XRT-ді барлық агрегатпен ұсынуы мүмкін. Қазір Оңтүстік Кореяда 281 ат күшіне ие 2.5 литрлік төрт цилиндрлі мотор және сол қозғалтқышқа негізделген 334 ат күшін беретін гибрид күштік құрылым бар. Hyundai басқа елдер үшін мотор гаммасын кеңейтетін сияқты.

1 / 5

• 
• 
• 
• 
• 

Екінші буындағы Hyundai Palisade

Екінші буындағы Hyundai Palisade

Екінші буындағы Hyundai Palisade

Екінші буындағы Hyundai Palisade

Екінші буындағы Hyundai Palisade

1 / 5

Тыңшылар сынаққа түсірілім тобы қатысқанын атап өтті. Бренд Palisade XRT-дің алғашқы тизерін түсірген болар, демек, марка оны жақында ресми таныстырады.