Былтыр көрсетілген седаннан кейін 11-буындағы бес есікті Civic жарық көрді (жүксалғышының көлемі 452 литр). Бұл модель АҚШ (Индиана штаты, Гринвуд қаласындағы зауытта өндіріледі) пен Жапонияға арналған, еуропалық нұсқасы кейінірек көрсетіледі.
Хетчбэк қозғалтқыштар жиынтығын қоса алғанда, техникалық жағынан бұрынғы седанға өте ұқсас. 160 ат күші бар екі литрлік бензинді атмосфералы мотор және 180 ат күшіне ие 1.5 литрлік турботөрттік орнатылған. Екі қозғалтқыш та вариатормен немесе алты сатылы механикамен жұмыс істейді. Еуропа нарығына гибрид ұсынылуы мүмкін.
«Сивиктің» үш комплектациясы: Civic Hatchback LX, Sport және EX-L 7 дюймдік аспаптар панелі және 7 дюймдік мультимедиа экранымен жабдықталған. Ең үздік Sport Touring нұсқасында аспаптар панелі 10.2 дюйм, тачскрин 9 дюйм болады. Honda Sensing көмекшілер кешенінде бейімді круиз-бақылау, шұғыл тоқтату функциясы, кептелісте қозғалғанда көмек беру және жолақта ұстап қалу жүйесі бар. Сондай-ақ 12 динамигі бар Bose аудиожүйесі қолжетімді.
Civic хэтчбегінің ең арзаны 20 000 доллар тұрады, ал Sport Touring нұсқасының бағасы — 30 000 доллар.
Комментариев: 0