Жаңа Exeed кроссовері қандай болады

Chery концернінің құрамына кіретін Exeed бренді E05 индексті жаңа моделінің алғашқы суретін жариялады. Фотодағы кроссовер камуфляжбен қапталған. Қытайдағы басылымдар гибрид күштік құрылыммен жүретін E05-тің тұсаукесері қыркүйекте өтетінін хабарлады.

1 / 4

• 
• 
• 
• 

1 / 4

Кроссовер электрлі Sterra топтамасына қосылады, бұл топтама шетелде Exlantix деп аталады. E05 бортында Horizon Robotics деген жазу бар. Ол Chery-дің жартылай автономды жүйеге арналған интеллектуалды жүйелер әзірлейтін серіктесі, демек E05 ең жаңа HSD (Horizon SuperDrive) кешенімен жабдықталған алғашқы модель болады. Машина Қытайда жасалған Journey 6P процессорына негізделген, жүйе 12 дана радар мен лидардан алынған деректі өңдейді. Соңғысы ең үздік комплектацияда ғана қолжетімді болады.

E05-тің техникалық сипаттамасы жайлы ресми ақпарат жоқ, бірақ сертификат алу процесінде кейбір дерек жарияланды. Жаңа өнімнің өлшемі қазіргі Exeed TXL-мен бірдей — 4780×1890×1725 мм. Кроссовердің күштік құрылымы 156 ат күшіне ие 1.5 литрлік турбомотор және 32.7 киловатт литий-темір-фосфатты батареямен жұмыс істейтін электромотордан тұрады. E05 электр қуатымен 165 км жүре алады, ең жоғары жылдамдығы — 200 км/сағ.

Гибрид кроссовер Қытайдан өзге нарықта Exeed TXL-дің бензоэлектрлі баламасы ретінде сатылады деген ақпарат бар. Кейін E05-тің дәстүрлі мотормен жүретін нұсқасы жарық көріп, қазіргі модельді алмастыруы мүмкін.