Жаңа Continental GT ең қуатты Bentley атанды

Компания Continental GT-дің төртінші буынын таныстырды. Гранд-турер бұрынғы платформаға негізделген, бірақ бірқатар параметр бойынша бренд үшін революцияға айналды. Мысалы, электр қуатын тұтынатын Continental GT тарихтағы ең қуатты Bentley-ге айналды. Компания сәнді жаңа өнімді үшінші тоқсанда жеткізе бастайды.

1 / 8

• 
• 
• 
• 
• 
• 
• 
• 

1 / 8

Bentley іштен жанатын қозғалтқыштан бас тартуға бет бұрған. W12 моторы тарих қойнауына кетті, жақында 8 цилиндрлі мотордың да тағдыры сондай болады. Жаңа Continental GT компанияның күштік құрылымға деген көзқарасын көрсетеді. Купе мен кабриолет Ultra Performance Hybrid деп аталатын құрылымы бар Speed деген нұсқада шығады. Дәстүрлі қозғалтқыш пен электрлі мотордың үйлесімі Porsche компаниясынан алынған.

Мотор 600 ат күшін және 800 Нм момент беретін танымал 4 литрлік V8-ге негізделген. Ол 190 ат күшін беретін электромоторы бар 8 сатылы роботпен, 25.9 киловаттық батареямен және толық жетек жүйесімен жұптасады. Жалпы қуаты 782 ат күшін және 1000 Нм момент құрайды, купе алғашқы жүздікті 3.2 секундта (бұрынғыдан 0.4 секунд жылдамырақ) еңсереді, ал кабриолет 3.4 секунд жұмсайды. Максимал жылдамдығы — 335 және 285 км/сағ.

1 / 4

• 
• 
• 
• 

1 / 4

Тек электр көмегімен жүре алатын жаңа Bentley дәстүрлі моторсыз 81 шақырымды еңсереді, ал жалпы жүріс қоры — 860 км. Электрорежимде жылдамдығы сағатына 140 шақырымнан аспайды.

Жүріс бөлігінде басқарылатын артқы дөңгелектер, аспасындағы екі камералы пневмоэлементтер, бейімді амортизаторлар және белсенді тұрақтандырғыш бар. Қосымша ақы төлеп, штаттық 10 поршенді тежеуіш суппорттарын карбон-керамика дискілермен толықтыруға болады.

1 / 7

• 
• 
• 
• 
• 
• 
• 

1 / 7

Bentley Continental GT бұрынғы пішінін сақтап қалғанмен, дизайны біршама өзгерді. Гранд-турер 20 жылда бірінші рет бөлек тұратын жарық техникасынан арылды, енді ол көлденең ендірмелері бар жаңа блок-шаммен жабдықталады. Аэродинамикалық бастырығы түрленіп, 22 дюймдік диск қосылды. Дизайнерлер модельдің түр-сипаты кәдімгідей тазарып, ықшам бола түскенін атап өтті. Интерьерінде онша өзгеріс жоқ, тек салон әрлеуінің бірнеше нұсқасы пайда болып, медиажүйенің мүмкіндігі артқан.

Төртінші буындағы Bentley Continental GT Speed-тің құны 230 мың фунттан (136 млн теңге) басталады деген болжам бар. Болашақта топтамаға одан арзан түрленім қосылады. Ол да гибрид, бірақ V6-ға негізделеді. Ал Ultra Performance Hybrid күштік құрылымын бренд Flying Spur седанына орнатады.