Жаңа Chevrolet Traverse Қазақстанда жасала ма?

2025 жылдың аяғында Traverse-тің үшінші буыны Өзбекстан нарығына шығады деген ақпарат тараған, жаңа өнім енді бізге жететін сияқты.

Модельдің арнайы базадағы құжатында 2023 жылы жарық көрген жаңа нұсқасы туралы да мәлімет бар.

Көлік типін мақұлдау құжатынан Қостанайдағы Allur зауытында екі нұсқаны бірге құрастыруға мүмкіндік барын аңғаруға болады. Бірақ бұл шынымын жүзеге аса ма, жоқ па, белгісіз.

Бренд біздің елдегі клиенттеріне салоны үш қатарлы толық жетекті көлік ұсынады. Алдыңғы буын өкілі 318 ат күші мен 360 Нм момент беретін 3.6 литрлік V6-мен жүрсе, жаңа машина 328 ат күшіне ие (442 Нм) 2.5 литрлік қозғалтқыш алады, бұл агрегат 8 сатылы автоматпен жұмыс істейді.

Екінші және үшінші буындағы қос модель арасында айырмашылық аз. Екеуінің дөңгелек базасы да бірдей, бірақ жаңа кроссовер сәл ұзын, жалпақ әрі биік.

Traverse сырттай Suburban мен Silverado-ға ұқсайды, ішінде 17.7 дюймдік медиажүйе экраны мен 11 дюймдік аспаптар панелін біріктірген ірі планшет тұр. Трансмиссия селекторы рөл колонкасына ауысыпты.

Компания өкілдері автомобиль Қазақстанда қашан саудаға түсетінін айтпады. Көрші елде оның үшінші буыны 795 млн сум (33.6 млн теңге) тұрады.