Жаңа Chevrolet Traverse Қазақстанда қанша тұрады

Биыл қаңтарда Chevrolet Traverse кроссоверінің жаңа буыны Қазақстан нарығына шығатыны, оны Қостанайдағы зауыт құрастыратыны белгілі болған. Бүгін, 6 наурызда компания 7 орынды автомобильдің бағасын жариялады.

1 / 9

• 
• 
• 
• 
• 
• 
• 
• 
• 

1 / 9

Қазақстанда Traverse-тің жол талғамайтын Z71 нұсқасы ғана сатылады. Машина 328 ат күшіне ие (442 Нм) 2.5 литрлік турбомотормен жүреді. Қозғалтқыш 8 сатылы автомат қорап және толық жетек жүйесімен жұмыс істейді.

Жабдықтар тізіміне жеті қауіпсіздік жастығы, электрондық көмекшілер кешені, бейімді круиз-бақылау, автоматты тежеу, жолақта ұстау, көрінбейтін аймақты бақылау жүйелері, айнала шолу камерасы және т.б. кіреді. Кроссовер климат-бақылау, алдыңғы креслоны жылытқыш, сымсыз қуаттағыш, алдыңғы панельдегі 17.7 дюймдік медиажүйе экраны мен 11 дюймдік цифрлық аспаптар панелінен тұратын ірі планшет, алты динамикті аудиожүйе және панорамалы люкпен жабдықталған. Салоны былғарымен қапталған. Жүргізуші орындығы электр көмегімен, ал алдыңғы жолаушы орындығы механикалық жолмен реттеледі.

1 / 5

• 
• 
• 
• 
• 

1 / 5

Жаңа Traverse Z71 біздің елде 33 990 000 теңге тұрады. Демек жаңа өнімнің құны үш қатарлы Hyundai Palisade-пен шамалас. 2026 жылғы Palisade-тың ең арзанын акция мен арнайы жеңілдікті есептемегенде 34.5 млн теңгеге алуға болады.