Жаңа Chevrolet Traverse Өзбекстанда сатылып жатыр

Көрші елдің нарығына Chevrolet Traverse кроссоверінің үшінші буыны шықты. Бренд оны Америка халқына 2023 жылы таныстырған. Оптикасы екі қабатты, артқы тіреулерінің дизайны ерекше машина Suburban мен Silverado-ға ұқсап қалған.

1 / 9

• 
• 
• 
• 
• 
• 
• 
• 
• 

1 / 9

Салонында 17.7 дюймдік медиажүйе экраны мен 11 дюймдік аспаптар панелін біріктірген планшет тұр. Инженерлер климатты басқаратын бұрынғы пультті сақтап қалған, ал трансмиссия селекторы ортаңғы консольден рөлге ауысыпты.

Буын алмастырған модельдің күштік құрылымы да жаңарды. Қазір ол 328 ат күшін (442 Нм) беретін 2.5 литрлік турбомотормен жүреді. Агрегат 8 сатылы автоматпен және толық жетек жүйесімен жұмыс істейді.

1 / 5

• 
• 
• 
• 
• 

1 / 5

Өзбекстанда автомобильдің атауында Z71 қосымшасы бар нұсқасы ғана сатылады. Жеті орынды көліктің іші-сырты ерекше әрленіпті, жолтабан арасы алшақтаған. Қайта бапталған аспасы мен 18 дюймдік дөңгелек дискісінің арқасында, жол саңылауы ұлғайды. Жолсыз жерде қозғалғанда қажет болатын көмекшілер кешені жақсарған.

Жабдықтар тізімінде үш аймақты климат-бақылау, алдыңғы орындықтар мен рөлді жылытқыш, кілтсіз ашу жүйесі, сымсыз қуаттағыш, панорамалы люк бар.

Кроссовердің Өзбекстандағы бағасы — 795 млн сум (шамамен 33.6 млн теңге).

Жаңарған модельді Қостанайдағы зауыт ірі торапты әдіспен құрастыруы ықтимал. Алдыңғы буын өкілі біздің елде 26 млн теңге тұрады. Алайда, аса танымал дей алмаймыз. Былтыр Chevrolet дилерлері 37 көліктің кілтін тапсырса, биыл небәрі 9 данасы өткен.