Жаңа Chevrolet Tahoe Қазақстанда қанша тұрады

Тамыздың ортасында жаңарған Chevrolet Tahoe-ның құжаты жергілікті реестрде пайда болды. Қостанайда жасалатын жол талғамайтын көлік енді саудаға шықты.

Tahoe-ның алдыңғы және артқы бөлігі өзгерген. Автомобиль жаңа жарық техникасын, бамперлер алып, Silverado пикабына ұқсап қалған. Дөңгелектері — 24 дюйм.

1 / 7

• 
• 
• 
• 
• 
• 
• 

1 / 7

Жаңа архитектурада жасалған үш қатарлы салонында 17.7 дюймдік дисплей мен 11 дюймдік цифрлы аспаптар панелі тұр. Комплектацияда жеті қауіпсіздік жастығы, белсенді қауіпсіздік кешеніне ие жүргізуші ассистенттерінің кең жинағы, кілтсіз ашу жүйесі, үш аймақты климат-бақылау, электр көмегімен реттелетін орындық, рөл және жүксалғыш қақпағы, проекциялы дисплей, 10 динамикті аудиожүйе, сымсыз қуаттағыш, жүксалғыштағы 220 вольттық розетка, панорамалы люк бар. Интерьері былғарымен қапталған.

Күштік құрылымы да өзгерді. Қазақстанда рестайлингке дейінгі Tahoe тек 343 ат күшін беретін 5.3 литрлік мотормен сатылса, жаңасы 6.2 литрлік V8-бен, 10 сатылы автоматпен жабдықталған. Оның қуаты 420 ат күшіне (624 Нм) тең. Толық жетекті автомобильге бейімді аспа орнатылған.

Chevrolet Tahoe 54 млн теңге тұрады, бұрынғы нұсқасы 46 млн теңгеге саудаланған.