Жаңа Chevrolet Bolt көшеде көзге түсті

GM «Болтты» қайта шығаратынын жариялағаннан кейін премьераға жетпей фототыңшылар түсірген суреттер тарады. Электрокар алдыңғы буын өкілімен қатар сынақта жүрген соң айырмашылығы бірден байқалады.

Шатыр, қанат және есік (жүксалғыш есігін қосқанда) сияқты шанақ панельдері өзгермеген. Дизайнерлер тек алдыңғы және артқы бөлігін жаңартып, жаңа жарық техникасын орнатыпты. Терең рестайлинг десе болады.

1 / 5

• 
• 
• 
• 
• 

1 / 5

Бренд үнемдеуге мәжбүр болғандықтан көлікке CATL-дың арзан литий-темір-фосфатты батареясын орнатады. Компания бұл екі жылдан аспайтын уақытша шара, осы уақыт ішінде АҚШ-та аккумулятор өндірісі іске қосылады деп мәлімдеді.

Bolt топтамадағы ең арзан электромобиль болады. Бағасы АҚШ-та 33 600 доллар (18.1 млн теңге) тұратын Equinox EV кроссоверінен әлдеқайда төмен болады.