Жаңа батареялы Volkswagen-нің фотосы тарады

Volkswagen-нің Қытайға арналған кезекті электромобилінің тұсаукесері жақында өтеді. Бұған жабық презентация кезінде фототыңшылар түсірген суреттер дәлел. ID.Unyx 07 — жаңа платформаға негізделген алғашқы сериялық VW.

Автомобиль Қытайдағы Volkswagen ID топтамасына тән дизайнын сақтап, экстерьері ID.Unyx 06-ға ұқсас төрт есікті шанақ алады. ID.Unyx 07 сұсты бампер, қара ендірмелер және 20 дюймдік дискілермен ерекшеленеді. Интерьер суреттері жоқ, бірақ ол ID.Unyx 06-нікі сияқты болуы мүмкін.

1 / 5

• 
• 
• 
• 
• 

1 / 5

Өлшемдері — 4853 × 1852 × 1566 мм, дөңгелек базасы — 2826 мм, яғни қазіргі Toyota Camry-мен шамалас. Электрокар 231 ат күшін беретін бір электромотор, 59.9 кВт⋅сағ аккумулятормен жабдықталады. Алдыңғы жетекті 07 қуаттаусыз 558 шақырым еңсереді.

Концерн серіктестері жаңа электромобиль әзірлеуге бір жарым жыл жұмсапты, бірақ CEA (China Electrical Architecture) платформасының ерекшелігі әзірге белгісіз. Volkswagen Anhui кәсіпорны бұл архитектураға үлкен үміт артып отыр. Ол 2027 жылға қарай жиырма электрлі модельге негіз болады.