Жаңа Audi A6 Қазақстанға келді

C9 индексті Audi A6 былтыр сәуірде жарық көрген, бірақ біздің елге биыл жаз басында ғана жетіп отыр.

1 / 14

1 / 14

Ұзындығы бес метр, дөңгелек базасы үш метрге жуық седанның бірнеше нұсқасы сатылады. Модельдің қарапайым түрленімі 272 ат күшіне ие 2 литрлік турбомотормен, үздік комплектациясы 367 ат күшін беретін 3 литрлік V6-мен жүреді. Барлық агрегат 7 сатылы робот қорап және Quattro толық жетек жүйесімен жұмыс істейді.

1 / 7

Audi A6 (C9)

1 / 7

Audi A6-ның жабдықтар тізіміне толық басқарылатын шасси, пневмоаспа, матрицалы жарық техникасы, төрт аймақты климат-бақылау, айнала шолу камерасы, кресло мен рөлді электрлі реттеу, барлық орындықты жылыту, рөл мен айнаны жылыту жүйелері және т.б. кірді. Седанның медиажүйесі 11.9 және 14.5 дюймдік екі дисплейден тұрады, комплектациясына қарай бұған жолаушы алдындағы 10.9 дюймдік үшінші экран қосылады.

1 / 3

Audi A6 S Line

1 / 3

Опциялар қатарында автоматты тежеу, көрінбейтін аймақты бақылау, бейімді круиз-бақылау және өзге де функцияларды қамтитын заманауи электрондық көмекшілер кешені бар.

Қазақстанда 2 литрлік мотормен жүретін базалық Audi A6-ның бағасы 44 млн теңгеден басталады. Ал 3 литрлік мотор алған Tech Pro кемінде 55.1 млн теңге тұрады. Неміс седанына бәсекелес модельдер тізіміне 5-сериялы BMW-ның қуаты 190 ат күшіне тең артқы жетекті 520i (38.6 млн теңге) нұсқасын, 255 ат күшіне ие 2 литрлік моторы бар толық жетекті 530i xDrive (44.1 млн теңге) түрленімін және Mercedes-Benz E-Class-ты (42.5 млн теңге) қосуға болады.

1 / 13

Комментариев: 0