Оқиға 5 қыркүйекте кешке Батыс Еуропа — Батыс Қытай тас жолының 341-шақырымында (Меркі ауылының маңында) болды. Жамбыл облысы ПД хабарлағандай, 35 жастағы ауыл тұрғыны жылқыларды мал айдайтын тоннельмен емес, тас жолдың үстімен өткізбек болған. Қараңғыда 59 жастағы Тараз тұрғыны басқарған Mercedes-Benz үйірге соғылады.
Жол апатынан 12 жануар өлді. Ал жүргізуші Меркі ауданындағы емханаға жеткізілді.
Ескерту: видеоны жүрегі әлсіз адамдардың көрмегені жөн.
Айта кетейік, ҚР жол ережесіне сай жүк артылған, мiнiс малы және табынды айдаушыларға немесе иелеріне:
- тас жолға шығып кетуі мүмкін жағдайда жануарларды қараусыз қалдыруға;
- жануарларды арнайы белгіленген жерлерден тыс теміржол немесе автомобиль жолы арқылы, сондай-ақ қараңғыда және нашар көрінетін жағдайда айдауға (мал өтетін жерлерді қоспағанда);
- егер басқа жол бар болса, жануарларды асфальт немесе бетонды жолдармен алып жүруге тыйым салынады.
Бұл ережені елемегендер 10 АЕК көлемінде айыппұл төлейді (Әкімшілік кодекстің 615-бабы). Егер көлік зақымданса, көлік иесінің шығынын өтеуге міндеттеледі.
Комментариев: 0