Жай «Мини» емес, Wood & Pickett Mini by Callum

2019 жылы Aston Martin мен Jaguar-дың бұрынғы бас стилисті Ян Каллум негізін қалаған Callum ательесі Mini-дің 1997–2001 жылдардағы соңғы сериясын түрлендіру бағдарламасын бастады. Конверсия процесіне машинаны тапсырыс берушінің қалауына сай әрлейтін Wood & Pickett фимарсы атсалысады.

Бағдарламаның алғашқы өнімі Sports Pack нұсқасындағы Mini болды, мамандар машинаны шанағына дейін бөлшектеп, қайта құрастырды әрі қуат қосты. Арка кеңейткіш пен жарықдиодты оптиканы қамтитын бастырықпен жабдықталды.

1 / 5

• 
• 
• 
• 
• 

1 / 5

Ателье инженерлері 1.3 литрлік 4 цилиндрлі мотордың қуатын 110 ат күшіне дейін арттырды, ол үшін қозғалтқыш көлемін 1275-тен 1310 «кубқа» жеткізіп, цилиндр блогын ауыстырды, электронды басқару блогын жаңартып, екі нүктелі бүрку жүйесі мен спорттық газ шығару жүйесін орнатты.

Мотордың жаңа параметріне сай мамандар аспа мен 4 сатылы механика қорапты түрлендірді. Каллум жоба үшін арнайы әзірлеген 13 дюймдік дөңгелек дискісіне 8.4 дюймдік дискілі тежеуіш орнатылған.

Автомобиль салоны жаңғақ ағашы және қымбат былғарымен әрленген, алдыңғы қатарда эксклюзив Callum креслосы, артта зауыттық орындық тұр. Аспаптар панелі ескі үлгідегі аналогты форматын сақтап қалды, оның жанында көлденең орналасқан шағын мультимедиа экраны көзге түседі. Физикалық батырмалар мен иінтірек металдан жасалған.

Wood and Pickett Mini by Callum арзан емес: бағасы 75 мың фунттан (53 млн теңге) басталады. Фотодағы сынақ экземплярына сән әлемі тарихындағы ең танымал манекенші Дэвид Ганди иелік етеді. Ол GQ журналының автомобиль туралы айдарына мақала жазады, гаражында коллекциялық Porsche 356, Mercedes-Benz 190 SL және Jaguar XK120 бар.