Зерттеу: Ашық түсті автомобильдің құны тез түспейді

Қызғылт сары немесе жасыл сияқты ашық түске боялған автомобильдер дәстүрлі түсті (қара немесе ақ) көліктерге қарағанда құнын көп жоғалтпайды. iSeeCars сарапшылары 1.2 млн сауда-саттықты талдап, осындай қорытынды жасап отыр.

Сарапшылар АҚШ-та автомобиль үш жыл жүрген соң бағасы орта есеппен 31 % төмендейтінін есептеді. Бұл шамамен 14.3 мың доллар. Сары машина — 24 % (13.6 мың доллар), қызғылт сары түсті көлік — 24.4 % (10 мың доллар), жасыл автомобиль 26.3 % (13.1 мың доллар) арзандайды. Сарғыш, қызыл және қоңыр түсті техника да нарықтағы орташа көрсеткіштен баяу арзандайды.

Кең таралған монохромды екі реңк — сұр және күміс түстес машина құны нарықтағы орташа мәннен аз ғана баяу түседі — 29.8 және 30.9 %. Қара машина үш жылдан кейін құнын — 31.9 % (15.4 мың доллар), ақ көлік 32.1 % (15.6 мың доллар) жоғалтады.

Көлік түсі	Үш жылда түскен бағасы	Баға айырмашылығы
Сары	24 %	13 667 долл.
Қызғылт сары	24.4 %	9951 долл.
Жасыл	26.3 %	13 152 долл.
Сарғыш	29.5 %	18 455 долл.
Қызыл	29.8 %	13 013 долл.
Күміс түстес	29.8 %	12 636 долл.
Қоңыр	30.4 %	14 197 долл.
Сұр	30.5 %	13 648 долл.
Көк	30.9 %	13 994 долл.
Қара	31.9 %	15 381 долл.
Ақ	32.1 %	15 557 долл.
Алтын түстес	34.4 %	16 679 долл.

Сарапшылар ашық түсті автомобильдердің аз болғандықтан тез арзандамайды деп санайды. Олар сирек кездеседі, сондықтан сұраныс жоғары. Сол үшін иелері сәл жоғары баға қоя алады. Бірақ адамдар өзгеше түсті машинаға қарағанда көзге таныс дәстүрлі реңктегі көліктерді көбірек сатып алады. Демек ашық түсті автомобильді екінші нарықта қайта сату қиын.

Жыл басында танымал реңктер туралы ақпарат жарияланған. BASF өз статистикасына сүйеніп, көп жылдан бері әлемдік нарықтың 34 %-ын көліктер жаулағанын, ал қара және сұр түсті автомобиль 22 % және 17 % шамасында деп жазған. Ашық түстер арасында көк реңк ең көп сұранысқа ие. Сатып алушылар қызыл, жасыл және сары машинаға аса қызықпайды, жалпы нарықта олардың үлесі 14 % ғана.

Комментариев: 0