Zeekr 7X-тің күштік құрылымы өзгереді

Бренд былтыр ғана жарық көрген 7X кроссоверін жаңартуға дайындалып жатыр. Жергілікті БАҚ Қытай Өнеркәсіп министрлігінің сертификат базасына сілтеме жасап хабарлағандай, электрокардың тек күштік құрылымы өзгереді. Модельдің қуаты мен жүріс қоры артады.

Қазір базалық Zeekr 7X 421 ат күшін беретін мотормен жүреді, толық жетекті нұсқадағы агрегат 646 ат күшіне ие. Екі түрлі батареясы (75 және 100 кВт⋅сағ) бар. Жүріс қоры — 605–780 км.

Жаңарған соң да кроссовер артқы және толық жетекті болады. Бірақ базалық модель 503 ат күшіне ие, екі моторлы нұсқасы 795 ат күшіне ие агрегат алады. Машинаның динамикасы қалай өзгеретіні белгісіз. Бұрынғы литий-ионды аккумулятордың орнын 103 киловатт батарея басады. Соған сай үздік түрленімінің жүріс қоры 802 км-ге жетеді, ал базалық нұсқасының көрсеткіші қазіргіден 5 км артады.

Автомобиль төбедегі жаңа лидар және 19–21 дюймдік дөңгелек дискісімен де жабдықталады. Zeekr 7X-тің ұзындығы — 4825 мм, дөңгелек базасы — 2925 мм. Саудаға қашан шығатыны белгісіз. Электрокар қазір өз елінде 229 900–269 900 юань (17.3–20.3 млн теңге) тұрады.