Zeekr 007 GT универсалының сипаттамасы белгілі болды

Компания 007 GT-дің ресми суреттерін көрсетті, бірақ техникалық сипаттамасы туралы ақпарат бермеді. Қытай өнеркәсіп министрлігі жаңа өнім туралы деректерді сертификаттау барысында жариялады. Машина артқы және алдыңғы жетекті болады, әр нұсқа үшін екі түрлі батарея қолжетімді. Автомобиль биыл II тоқсанда сатыла бастайды.

Zeekr 007 GT-дің сырт пішіні құпия емес, бірақ сертификат алу кезіндегі суреттерден кейін бірнеше жаңа мәлімет пайда болды. Мысалы, универсал дизайны әртүрлі 20 дюймдік дискілер және контраст шатыр алады. Суреттерден фаркопты көруге болады, ол опция ретінде ұсынылуы мүмкін. Жабдықтар тізіміне пневматикалық аспа және лидар кіреді.

Өлшемдері — 4864×1900×1445 мм, дөңгелек базасы — 2925 мм. Жаңа модель 001-ден шамамен 100 мм қысқа.

Артқы жетекті көлік 422 ат күшіне ие электромотормен жүреді, ал толық жетекті нұсқаға 224 ат күшін беретін қосымша агрегат орнатылады. Электрокардың динамикасы туралы мәлімет әзірге жоқ, бірақ екеуінің максимал жылдамдығы 210 км/сағ құрайды. Батарея сыйымдылығы — 75 және 100 кВт⋅сағ. Алдын ала мәлімет бойынша 007 GT ең үлкен батареямен 825 км еңсере алады.

Zeekr биыл екі ірі кроссовер шығаруды жоспарлап отыр. 2025 жылдың екінші жартысында жарық көретін олар электрлі және қуатталатын гибрид күштік қүрылымдармен жабдықталады.