Zeekr 001 жаңарды, бірақ қымбаттамады

Zeekr Қытайда жаңарған Zeekr 001-дің бағасын жариялады. Жаңа күштік құрылым алған электромобиль жылдам қуатталады және заманауи чиптермен жабдықталады, бірақ бағасы онша өспеді. Төрт модификацияның құны 269 800-329 800 юань (20.4–25 млн теңге) аралығында. Алғаш сатыла бастағанда бренд 10 000 юань жеңілдік жасайды. Рестайлингке дейінгі нұсқа 259 000-329 000 юань (19.6–24.8 млн теңге) тұрады.

Өлшемдері бұрынғыдай — 4977×1999×1545 мм, дөңгелек базасы — 3005 мм. Дегенмен Zeekr 001-дің алдыңғы бампер өзгеріп, жарық техникасы жаңарды.

1 / 11

• 
• 
• 
• 
• 
• 
• 
• 
• 
• 
• 

1 / 11

Автомобиль артқы және толық жетекті, қазір төрт комплектацияның біреуі ғана артқы жетекті. Ол 503 ат күшіне ие қозғалтқыш және 103 кВт⋅сағ батареямен жүреді, жүріс қоры 810 шақырымға жетеді. 925 ат күшін беретін екі моторлы нұсқаға 95 кВт⋅сағ батарея орнатылады, машина алғашқы жүздікті 2.83 секундта еңсереді, қуаттаусыз 640–762 км жүріп өтеді.

Көлік 900 вольттық архитектураға көшкендіктен жылдам қуатталады. Инженерлер 10-нан 80 %-ға дейін (аккумулятор түріне байланысты) толтыруға 7-10 минут кетеді дейді, бірақ ол үшін өте қуатты станция қажет, олардың саны Қытайда енді ғана көбейіп келеді.

1 / 17

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 17

Zeekr 001 пневмоэлементтері бар белсенді аспа алады, онымен клиренсі 206 мм ұлғаяды. Салонында дисплейлері 13 және 16 дюймдік медиажүйе, 39.3 дюймдік проекция, Zeekr Sound Max жүйесінің 29 динамигі және жұлдызды аспан сияқты әсер беретін панорамалы шатыр бар. Кейбір түрленіміне Zeekr 009-дың реттеу диапазоны кең және жақсарған массаж функциясына ие ыңғайлы орындықтарын қояды.

Zeekr 001 жүргізуші ассистенттерінің заманауи кешенімен жабдықталады. Оған лидарды қосқанда 31 сезгек пен есептеу қуаты 700 TOPS болатын Nvidia Thor-U чипі кіреді.

Модельдің Қытайдағы басты бәсекелестері — Xpeng P7, Xiaomi SU7 және жақында саудаға шыққан AUDI E5 Sportback.