Бұрын тек жеке тұлғалар сұраныс жоғары нөмірге тапсырыс бере алатын. Енді eGov.kz порталында компанияларға қызмет көрсететін жаңа сервис пайда болды, жуырда eGov Business мобильді қосымшасы іске қосылады.
VIP нөмірге қалай тапсырыс беру керек:
- eGov.kz порталында авторланып, «Азаматтарға» — «Көлік және коммуникациялар» — «Автомобиль көлігі» бөліміне өтесіз.
- «Автокөліктің мемлекеттік тіркеу нөмір белгісіне тапсырыс беру» қызметін таңдайсыз.
Қажет нөмір мен комбинация іздейсіз. - Сізге ұнаған нөмір бос болмаса, басқасын таңдау керек.
- Бос болса, бағасы шығады.
- Міндетті жолақтардың бәрін (облыс, нөмірді беретін ХҚКО-ны және нөмір типін таңдау) толтырасыз.
- Мемлекеттік баж салығын төлейсіз.
- ЭЦҚ арқылы қол қою құқығымен өтініш бересіз.
Дайын нөмірді арнайы ХҚКО-ға барып алу қажет.
Орталық нөмірді берген соң ғана ол ұйым атына тіркеледі. Тақтайшаны дайындау мерзімі: Алматы мен Астанада — 5 жұмыс күні, Шымкент пен облыс орталықтарында — 15 жұмыс күні. Сондықтан клиенттер машинаны рәсімдеген кезде нөмір дайын екеніне көз жеткізгені жөн.
Комментариев: 0